Cymru - Y Genedl sy'n Croesawu Cwpan Ryder 2010
About Us
De Ddwyrain Cymru
Sut y mae Cwpan Ryder o Fudd i Dde Ddwyrain Cymru
Mae'r effaith gadarnhaol ledled y wlad sy'n deillio o gynnig llwyddiannus Cymru am Gwpan Ryder 2010 wedi cyrraedd pob cornel o Dde Ddwyrain Cymru yn barod ac all yr effeithiau buddiol ddim ond cynyddu wrth i'r ornest ddod yn nes.
Sefydlwyd grŵp marchnata golff o'r enw Greens of Southern Wales a chyda chefnogaeth Bwrdd Croeso Cymru mae'n ceisio gwneud y mwyaf o'r gweithgarwch twristiaeth sy'n tyfu. Yn y cyfamser, y mae buddion codi proffil golff yng Nghymru yn gyffredinol yn eu hamlygu eu hunain yng Nghlwb Golff Brenhinol Porthcawl, sydd wedi gwneud ei ymddangosiad cyntaf yn y 100 clwb mwyaf blaenllaw y tu allan i'r UD y Golf Digest, yn rhif 15 nodedig iawn!
Os oes angen prawf fod cystadleuaeth Cwpan Ryder yn dod â buddion eang yn ei sgil, gellir gweld hyn yng Nghyrchfan Golff a Sba y Vale, sydd wedi bod yn llwyddiannus wrth groesawu digwyddiad Taith yr Her yn 2005, 2007, 2008 a 2009 a'r Gystadleuaeth Agored i Chwaraewyr Hŷn yn 2006. Mae Her SWALEC Cymru'n dychwelyd i'r cwrs ym mis Awst 2010. Gan ddenu nawdd FIRSTPLUS a SWALEC, mae'r digwyddiadau'n cynhyrchu incwm ar gyfer yr economi leol, ac mae sylw rhyngwladol ar y teledu'n cynyddu proffil yr ardal fel cyrchfan twristiaeth.
"Mae Contractwyr Alun Griffiths o'r Fenni wedi ennill y cytundeb i reoli datblygiadau'r cwrs yng Ngwesty'r Celtic Manor, Casnewydd - enghraifft berffaith o golff lleol a busnes lleol mewn partneriaeth"
Draw o hudoliaeth y darllediadau teledu a'r chwaraewyr proffesiynol yn brwydro, mae chwe ysgol yn Nhorfaen yn cynnal prosiectau Tri-Golff ac yn ffurfio cysylltiadau â Chlwb Iau Talywain.
O'r meistri i'r plant iau brwdfrydig, mae Cwpan Ryder 2010 yn gweithredu fel catalydd pwerus, yn cynhyrchu brwdfrydedd, twristiaeth a busnes da trwy Dde Ddwyrain Cymru.